特首候選人唐英年大宅僭建風波搞到全城怒吼，立法會議員李永達原本打算尋日提出急切質詢，討論唐唐僭建問題，但結果不獲批准。負責審批議員質詢嘅立法會主席曾鈺成就聲稱因為自己考慮參選特首，為免有利益衝突，於是將審批責任卸畀有份提名唐唐參選嘅內務委員會主席劉健儀，最終劉決定唔批准後，又話曾鈺成有最終決定權喎，總之兩位「主席」將個波踢來踢去，結果放生咗唐唐，相當離譜。
