「山窿謝記魚蛋」下月底結業
【本報訊】六十五年老舖香港仔「山窿謝記魚蛋」下月卅一日「光榮結業」，堅持每日「自家製」的手打魚蛋、魚皮雲吞將成歷史，名人熟客及街坊昨聞風而至，趕在結業前再嘗滋味，全店食物下午四時均告售罄。負責人之一謝陳惠芳嘆指過去幾年靚魚食材貨源緊絀，來貨價兩年飆升四成，加上難覓接班人，為免質素下降寧可結業退休。不過謝記未必就此成絕響，謝太指「第時食材平番，可能我個仔會東山復出呢！」亦不會賣掉「謝記」名號。
自製魚蛋聞名 苦無接班人
結業消息傳出後，謝記比平日更客似雲來，下午三時許，謝太忙為招牌魚蛋魚片售罄向食客致謝致歉。謝記是家族生意，製作魚蛋魚片的師傅都是自家人，不少名人藝員都是食客，藝人吳君如昨亦光臨。
謝太是第二代掌舵人之一，最不捨得的是一眾熟客：「我哋都老喇！六十幾喇！企得耐腳痛，後生又唔入行」，「惟有狠心啲！」另一掌舵人珍姐亦稱，「最唔捨得啲客」，謝記多年來都沒有加價，幾乎蝕本，昨日起每碗粉麵才漲價一、兩元，只為有錢遣散工人：「攞個心嚟做嘢，如果做唔到自己品質仲遺憾！」
食客對謝記將結業無不感震驚，卅幾年熟客陳先生大嘆可惜，盛讚謝記魚蛋「省港澳首屈一指」，「做得咁好唔做，梗係希望佢繼續做！」