換燈搞兩月 房署效率低
更換一盞射燈竟需時兩個月，房屋署維修效率備受質疑！華富邨居民葉先生（化名）指出，華信樓對出籃球場有一射燈損壞近兩個月，一直未有職員跟進及維修，「我同房署反映過，但佢哋都冇人理我！」
房署發言人解釋，早前曾更換上址籃球場損壞射燈，但鑑於有居民投訴日常作息生活被該射燈光線影響，故需另尋較合適之射燈，並於二月中旬完成安裝新射燈工程。
「我反映咗兩個月都冇改善，一經你哋《東方》反映，房署就即刻解決問題，咁係咪其實佢哋之前冇聽到我講？」葉指樂見到球場壞燈情況有所改善，但卻不滿房屋署未有認真聆聽居民訴求。