勞處僵化嚇怕舊廈法團

義務擔當業主立案法團主席的陳先生為退休人士，坦言對法例等事宜僅略懂皮毛。早前有勞工處職員到大廈視察，發現向保安員支付的薪金少計了一天有薪假期，隨即發信要求會面，「我上到勞工處，佢哋解釋番畀我知原來計少咗一日，我哋就即刻搞手續補發，啲錢幾日後都補番晒。」

原以為事件已告一段落時，法團卻接獲勞工處發出的檢控信件，指法團因觸犯《僱傭條例》而被檢控，「我哋成班人都退咗休，連僱傭合約都要區議員幫我哋先得，只係計漏咗，咁都要告我哋，之後仲有邊個夠膽做？」即使有區議員以書面求情，法團最終仍被檢控，身為主席的陳先生最後亦無奈認罪，被法庭判處罰款一千元。

去年檢控達60宗

勞工處發言人指出，勞工督察去年到有關大廈進行巡查，發現法團涉嫌未有按《僱傭條例》向一名僱員發放假日薪酬。其後約見法團主席調查事件及詳細解釋相關法例，而結果亦顯示法團涉嫌違反《僱傭條例》規定，因此交由法庭處理。發言人又稱，過去一年曾就有關條例共提出六十宗檢控。

一直為該大廈提供協助的區議員楊振宇力斥勞工處麻木不仁，直指法團在事件上雖有過失，但並非存心剋扣工資，「呢區啲法團委員唔會係咩專業人士，佢哋好多都只係退咗休義務幫手」，認為以一刀切方式控告，或令小市民從此不敢再出任法團委員。

一刀切方式違宗旨

「唔少個案可能真係有犯規，但係勞工處都好應該個別衡量一下，係唔係真係值得去告！」立法會民政事務委員會委員陳淑莊亦認同，以一刀切方式檢控與政府鼓勵舊樓成立業主立案法團的宗旨相違背，倘當局僅「按本子辦事」，勢將「嚇走」法團委員。陳淑莊又說，當局應按個別情況行使酌情權，並建議政府應加強提供相關法律諮詢及加強宣傳，令法團委員能對相關法例加深了解，免再誤墮法網。

記者：林永發