本報日前揭發特首候選人唐英年嘅最新緋聞女友，原來係鄉議局副主席林偉強（小強）嘅千金林穎妍。小強尋日出席鄉議局執委會時就力撐女兒，話絕對相信女兒嘅操守，又話搭膊頭影相冇乜特別，香港唔係管得咁嚴喎，唔會好似回教國家咁。其實小強保護女兒理所當然，但事實上兩人係依偎合照，加上攞人哋嘅國家及宗教嚟做例子，似乎唔係太好囉，一來講得太過極端，二來小心畀人話你唔尊重呀！
