中環出更:劉陳小寶姊妹血拼東京

日本核軸射陰霾未除,好多城中名人都話唔敢去住,但「雪肌蘭」老闆兼前保良局主席劉陳小寶(Angel)就同「鯊魚女」細妹陳細潔(Abbie),喺新春期間包團請傑出員工遊東京,五日行程相當豐富,除咗「大出血」購物外,仲狂食魚生及和牛。

日本當地百貨公司正值冬季大減價,Angel同Abbie就以「摩打腳」速度狂掃各大商場,衫褲鞋襪、手袋,統統掃,仲購入大堆Hello Kitty精品,買到無停手。Abbie又驚訝日本二手名牌店好蓬勃,其中有度地方二手店林立,儼如一間百貨公司,認真識賺女人錢。

豁出去狂擦美食

日本經濟差,對花費豪氣嘅中國遊客,特別好招呼,只要出示指定信用卡,四圍都有折扣。掃完貨,眾人拉隊食著名燒鰻魚、海膽、天婦羅及拉麵,兩姊妹放下減肥禁忌,食咗先算喎。

卓妮

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報