年過大海12次做殘澳官

曾蔭權夫婦豪遊澳門竟淪為「不受歡迎人物」!有澳門公務員踢爆曾蔭權是「過大海」常客,一年至少十二次,就算是私人性質前赴澳門,例必令澳門當局勞師動眾,安排數十人為他做足海陸空全方位保安,派出保護要人組廿四小時貼身保護。更離譜的,是曾蔭權每次入境都以身份之利享有特權,需澳門入境部門派專人為他辦理出入境手續,連隨行人員亦坐享免卻入境過關檢查的方便,形成澳門官員聞「曾」色變,暗地裏將他列入心目中的「不受歡迎名單」!

「(曾蔭權)佢次次嚟都好大陣仗,享有特權,好麻煩!」澳門公務員楊先生(化名)不滿地力數曾每次赴澳門的麻煩事。首先,澳門當局因不敢怠慢香港特首,每次均會為他的來訪做好保安措施。舉例如曾蔭權乘坐遊艇到訪,會大陣仗預先派蛙人到停泊遊艇及上岸的一帶水域仔細檢查,亦會派專人檢查附近船隻的背景,以防有人對曾蔭權圖謀不軌;倘若曾蔭權乘坐直升機到澳門,接待部門則要以專車接載,並安排特別通道,讓他舒舒服服、暢通無阻地到達其目的地,有時更會造成交通嚴重擠塞,引起市民不滿。

海關懷疑有違禁品亦不敢搜

第二,由於曾蔭權身份特殊,澳門出入境事務廳每次都要派出專隊,為曾蔭權夫婦及他的隨行人士辦理出入境手續,帶挈一班隨他赴澳門的人士一併「受惠」,甚至連澳門海關人員亦不敢隨便對他們進行一般的檢查程序:「佢(曾)通常同老婆嚟,有時會多幾個人一齊,我哋啲同事唔識佢哋,見佢係曾蔭權帶頭,就算懷疑佢同行友人有違禁物品,都唔敢貿然截停佢哋,搜佢哋身。」

此外,由於曾蔭權妻家在澳門,故他每多以探望外母為名,赴澳門的次數非常頻密,據知每年至少十二次。最令澳門公務員不滿的,是他專挑星期六、日到訪,令澳門公務員要無奈加班,楊說:「佢一嚟,公務員就好頭痛,因為星期六、日好多公務員放假,搞到唔同接待嘅部門行政上都亂晒龍,要勞師動眾調假、加班,就係要配合曾蔭權嚟澳門玩!」

捐窿捐罅搵美食試住新酒店

另一樣令澳門當局為難的,是曾蔭權每次到澳門,一般會逗留一至兩日,但每次都必定是密集式行程,捐窿捐罅尋找美食及試住新酒店。他就是享受,接待單位卻是痛苦,因為曾每到任何地方,澳門接待單位都要在他途經的地方,做一份詳細的安全評估,確保曾遊覽澳門零風險,但此舉卻增添澳門有關部門的工作量,令負責人員無不怨聲載道。

接待單位更要千方百計安排接待曾蔭權的交通,楊形容曾蔭權為超級貴賓:「有時某啲地方無得停車,但都要諗計搵『灰色地帶』,偷雞搵位畀佢落車,仲要有保護要人組廿四小時貼身保護,連佢住嘅酒店,我哋都要派警力去保障附近嘅安全!總之,佢嚟親澳門,我哋都好頭痛,要好忙咁安排好多嘢,為的是保護佢去玩!」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報