雜物阻街 食署反應遲鈍
行人路變垃圾崗，屯門河傍街及青賢街交界行人路長期雜物堆滿，食物環境衞生署職員每日巡經竟未發現。不時路經上址的楊先生指雜物已放置一段時間，不但阻礙行人，更影響衞生，「雜物放咗喺度咁耐都冇人理，唔單只阻住人仲會惹埋啲蛇蟲鼠蟻，好影響衞生！」
食環署發言人指出，獲本報轉介後始發現上址有雜物棄置，已派員發出移走障礙物通知書，限令有關物主須在指定時間內移走雜物。職員其後覆查，發現雜物仍未被移走，採取行動清理有關雜物，並清洗上述地點。
區議員古漢強直斥食環署執法不力，要求當局正視問題，「堆放雜物影響市容又阻礙行人，我半年前已經叫食環署做嘢，但佢哋都冇做到！」古指附近有多條街道亦有雜物堆放問題，促當局正視問題，改善社區環境！