中環出更：黃家和評飲品：鴛鴦似熱戀情侶

既濃滑又幽香

黃家和話鴛鴦之問世，皆因華人嫌咖啡燥熱，奶茶又寒削，結果香港人將兩者混合，成為最具本地特色嘅餐飲。而沖調一杯美味嘅鴛鴦，並非咖啡奶茶各佔一半，而係因應茶葉及咖啡嘅品種而定，要做到既有咖啡嘅濃滑，又蘊含紅茶嘅幽香，就好比戀愛中嘅情侶，你中有我，我中有你，兩者難分難解至係鴛鴦嘅上品。

黃家和又話鴛鴦呢種餐飲，唔少訪港嘅老外都有品嘗，近年美加及德國都開始有鴛鴦嘅蹤影，反映出呢款飲品亦漸漸得到外國人嘅青睞。