「公職王」鄭慕智（Moses）歌喉了得，聲線洪亮，平時食乜養聲，應該幾關鍵。卓妮早前一個星期日下午，逛中環太子大廈嘅超市 Oliver's，撞正Moses一支公行街，佢推住購物車自得其樂，見到雞蛋就二話不說掃兩排，一排外國蛋、一排走地雞蛋，果然識食。Moses又𥄫吓新鮮豬肉，但都係齋睇唔買。臨走前，掃多一杯法國士多啤梨乳酪，及一排朱古力，都係士多啤梨味。計落卡路里唔嘢少，食完要跑番幾個圈至得。
