【本報訊】屢次失言的特首參選人唐英年，昨日就其僭建醜聞辯解時再爆「金句」，強調「做男人就要有膊頭，做公職就要有腰骨」，隨即引來大批網民惡搞回應，揶揄唐有膊頭是「要來卸嘅」，有腰骨是「要來縮嘅」，諷刺他「卸膊」及「縮骨」。
對於唐英年懷疑在泳池下僭建有窗地底酒窖，亦引起網民熱烈討論及推測其用途，其中winhk222寫道︰「自製金魚缸，邊飲紅酒邊睇女游泳，呢條淫蟲都想得周到囉（，）咸（減）紅酒稅加煙稅，真係火都嚟埋。而（依）家比（畀）人踢爆改建，第一次唔認，而（依）家又死出黎（嚟）認。」
網民「製造商」質疑唐英年與僭建村屋的新界原居民「蛇鼠一窩」。網民ywkywk更直指唐「咁樣能力誠信道義嘅人成功當選特首，揀佢嘅選委唔知會唔會羞愧」。