唐英年豪宅僭建

唐英年連日來反覆要求另一參選人梁振英交代西九風波的「事實真相」，又強調「陽光政策係最好」，但面對自己的九龍塘約道７號單位，被揭涉嫌於泳池底下僭建過千呎地窖時，態度卻左閃右避。

昨早他公布教育及房屋政綱後，已被記者包圍追問僭建醜聞，但他卻要求先回答房屋及教育問題，又推說下午與工聯會會面時會交代，擾攘近兩分鐘仍拒交代事件，直到有記者按捺不住說：「咁你屋企嘅房屋問題呢？」唐才不情不願地回應。

７號大宅泳池底僭建了一大一小的玻璃洞，疑為泳池底下的地庫建築引入陽光。

７號大宅屋頂有一個巨型玻璃天窗，同為僭建。

詐傻扮懵捉字蝨

對於有報道指唐英年數月前一度否認大宅有僭建，現在又被踢爆有過千呎僭建物。唐反指是記者問題令他誤會：「幾個月前有人問我住嗰度（約道5A單位）有冇地下酒窖，我只係知道自己住嘅冇，所以答冇。」不過他隨即自爆，5A單位確實有僭建物，但拒絕明言是甚麼，只說並非酒窖。對於涉嫌僭建地下酒窖的7號單位，唐仍拒絕直接承認，只強調已派專業人士檢視，又指7號單位一直空置，自己和家人居於5A單位。

放大圖片

唐英年

曾蔭權去年曾明令所有問責官員檢視名下物業，記者追問他為何有僭建仍不向政府申報，唐英年砌詞狡辯指：「特首冇問番我哋『你有冇違規建築』，只係要求我哋搵合資格人士睇，我哋搵咗！」他其後又突然爆出金句：「做男人要有膊頭、做公職要有腰骨」，僅就自己「做得慢咗」致歉。

「政治敏感度低」

之後唐英年整日迴避提問，下午與工聯會見面後，爽約拒絕回應記者關於僭建的提問。到黃昏出席九龍社團聯會論壇，又突然取消會見記者環節。直到晚上七時半，逃避多時的唐突現身電台節目，承認7號單位的車房位置「掘深咗」，但並非擺放紅酒，而是放置「雜物」。最後他承認自己有「不可推卸責任」，鄭重向公眾道歉。

屋宇署回應指，會盡快派遣人員進行實地視察，以確定物業有否違規。

城大專業進修學院學術統籌宋立功指，僭建風波發生多時，但唐英年仍未警覺需要清拆僭建物，反映他政治敏感度低，而且言詞前後矛盾，令人懷疑其政治誠信。多名立法會議員批評唐英年知法犯法、誠信破產，其中民主黨涂謹申更建議唐邀請傳媒入屋參觀，以示清白。民主黨和工黨認為，事件涉誠信問題，唐英年無資格當特首。至於一早表態挺唐的政協常委陳永棋，就死撐唐第一時間認錯，證明他「有承擔、有誠信」，「唔似得啲人死都唔認錯！」

僭建醜聞唐英年對答全文

記：記者　唐：唐英年

記︰報道指九龍塘約道兩單位僭建（大意）？

唐︰報紙所上載兩項物業係我家族持有，５號（A）係自己用緊，７號係吉嘅，一路冇用過。我自己存在一種誤會，幾個月前有人問我住嗰度有冇地下酒窖，口頭問題，我只係知道住嘅（５A單位）冇，所以答冇，亦叫咗家族有關人士搵合資格專業人士睇，同話如有任何違規建築就盡快採取行動糾正。５號（A）早前專業人士睇過，係幾十年舊屋，有啲違規建築物，違規好耐，花咗一段時間睇番房署好舊嘅契，睇番邊啲係上手業主加喺度。

記︰點解（當時答傳媒）話冇（僭建）？係咩僭建物？

唐︰我認呢個係我嘅誤會，佢係問有冇地下酒窖，唔係問違規建築同酒窖。

記︰（僭建風暴期間）特首叫查僭建，嗰陣冇（向公眾）講係咪特首包庇？

唐︰特首唔會幫任何人隱瞞嘅，舊年搵合資格人士睇，我承認做得慢咗，攞舊啲則睇，先知應該有違規建築。舊年搵合資格人士做檢視，特首冇問番我哋你有冇違規建築，只係要求我哋搵合資格人士睇，我哋搵咗。

記︰幾時發現７號有違規建築？違規酒窖？

唐︰７號係一路丟空，我會咁樣做，我會敦促有關人士將任何違規嘅糾正番。我認為，做男人要有膊頭，做公職就要有腰骨，如果有違規會認，同盡快糾正，做公職人物應有嘅責任，我做得慢咗表示歉意。