金婚夫婦遊行當拍拖
【本報訊】「咁多年情人節都冇慶祝，結婚咁耐都冇送過禮物畀老婆，最緊要講個心，送個心畀佢就得啦。」八十五歲吳兆榮與七十三歲妻子林連愛互相扶持五十四載，早過了金婚，十多年來常結伴上街爭取長者福利，可惜兩年前吳太中風致左邊身癱瘓，正輪候入住護養院，吳伯最大心願是政府可提供到戶物理治療服務，讓二人不被拆散，繼續一起走人生之旅。
曾蔭權冷嘲：你冇得食呀？
吳伯卅二歲時返新會探親時認識妻子，於五八年結婚，為了「搵食」他獨自返港，人隔萬重山，一年只見四日，僅靠書信傾訴掛念之情。至九○年吳太獲批來港，夫妻倆積極參與社區活動，遊行請願成「拍拖活動」，包括向前任及現任特首請願爭取全民退休保障，吳伯曾跪求董建華增加生果金，吳太高聲向曾蔭權請願反被嘲：「你冇得食呀？嗌咁大聲！」
太太中風 求到戶治療服務
好景不常，吳太兩年前中風致左邊身癱瘓，患心臟病及痛風症的吳伯一直細心照顧，風雨不改挽她臂彎陪散步鍛煉雙腿，令她由初期雙腳不能動彈變為現可慢步行走。因他年老力衰，妻子正輪候入住護養院，但他最希望是政府可為妻子提供到戶物理治療服務，讓二人可共同生活，「我寧願同佢一齊死，都唔會唔理太太，咁先叫患難見真情！」