垃圾桶儲物 房署亂嚟
房屋署將垃圾桶當儲物箱，被指「亂咁嚟」！不時出入沙田瀝源邨的柯女士指出，農曆新年前發現邨內多處出現「熟口熟面」的垃圾桶，但換上「新裝」後即時變身儲物箱。「明明係載垃圾嘅大垃圾桶，無端端變成儲物箱，仲要鎖起佢周圍擺，入面又唔知裝乜？」柯指農曆新年期間仍不時看見上述儲物箱，訪客入邨拜年時亦認為有礙觀瞻。
房署發言人表示，農曆新年期間，為打擊及取締流動小販在瀝源邨範圍內非法擺賣，辦事處遂於邨內放置多個全新及清潔的大型膠箱作為臨時儲物箱，準備存放及處置經沒收的易腐爛物品，有關臨時儲物箱在農曆新年過後已經移走。
「呢個做法既唔成熟又冇經過深思熟慮，究竟房署有冇諗清楚？」沙田區議員衞慶祥狠批房署未有事前向邨民交代，加上儲存易腐爛食物有欠衞生，做法有欠妥當。