浸會大學「早洩」民調風波燒到慶合合之際，校長陳新滋日前接收學生請願信時又鬧風波，佢發晦氣回應一句：「你係為咗遞信定係『博上鏡』？有咩就快啲交畀我！」惹來學生不滿。面對群情洶湧，陳新滋尋日解釋話，當日係有學生要求佢返回傳媒等候區接信，佢亦好願意接信，但唔係要喺傳媒前「做騷」喎。其實喺傳媒前接信夠晒透明度，唔係有好嘢攞威就出嚟宣傳，有家醜就縮埋淡化就算嘅。
