曾蔭權踩港人撐自駕遊

面對港人對內地旅客的行徑反感和不滿，曾蔭權昨在錄音訪問中說，港人出外旅遊時亦會做出惹人反感之舉動，例如港人吃飯時說話大聲，港人「食餸要有骨落地擺喺枱面嗰度」，凡此均讓「老外感到反胃」。他說：「佢哋（外國人）唔鍾意我哋啲骨放喺枱面，我哋咪小心處理呢啲問題囉，佢哋唔鍾意我哋大聲講嘢咪收斂些少囉，我相信大陸嘅同胞都會一樣。」

係老竇教仔先咁講

曾蔭權着港人以包容心態面對中港兩地文化差異，呼籲港人要對自己有信心，「我哋自己嘅價值觀經九七洗禮唔會有變到吖，點能夠有三幾個內地人落嚟就影響到？」他指港人與內地同胞來自「同一國土、同一血脈」，相信兩者「一定可以包容得到」。

曾蔭權又提到，副總理王岐山曾向他說：「好奇怪，同一架貨車，同一個司機，喺內地就橫衝直撞，過到你嗰邊就停低等紅綠燈……」曾蔭權認為王岐山引述的此一例子，正好反映「每一個人都有入境敏感，貨車司機咁做，內地同胞都會咁做」。

曾蔭權只聽到王岐山的一席話而將全港市民聲音置若罔聞，以及醜化港人的言論，即時激起港人怒火，學者及政黨亦批評其言論不恰當。浸大社工學系講師邵家臻指出，曾蔭權將餐桌禮儀等社會行為規範與社會法律混為一談，「有技術性問題」，其言論亦不應出自特首之口，「係老竇（教仔）先會講」。他指曾蔭權只將中港矛盾簡化至一般人際關係層面，卻未有回應港人針對港府應對雙非等問題政策上的公共討論。

中大社會學系副教授陳健民表示，港人拒自駕遊，部分理據源於對環保綠色城市之想像，非單純基於兩地駕駛文化差異；陳指出，接受多元並不代表要盲目接受被破壞，有需要時，政府更要執法維護秩序。

揶揄曲線鼓動民憤

立法會議員張文光指出，個人駕駛態度根深柢固，難以想像司機會因「入境敏感」而改變駕駛態度；張又指出，港人對推行自駕遊之擔心屬合理疑慮，「唔可以王岐山話咩就得，就算胡錦濤都係咁話」。

大批網民留言炮轟曾蔭權，直斥「係咪要包容到佢哋搵刀斬我哋先夠？」又指回歸十四年已忍夠，反問曾蔭權「係咪要忍到港破家亡先唔使忍？」亦有網民指曾蔭權淡化問題，揶揄他曲線鼓動民憤。