中環出更：王賢訊執筆描述民國奇情
一年之計在於春，唔少人都諗定龍年大計，好似仁濟醫院總理王賢訊（Vincent）嘅大計就夠晒獨特，諗住「處男下海」出一本民國奇情小說。卓妮日前喺仁濟嘅慈善籌款活動上見到Vincent同太太Vincci，傾開先知Vincent一直有寫開小說，雖然佢大學修讀經濟同環球金融科，但佢視寫小說為興趣，直至近年先至萌生出書嘅念頭。
部分收益捐仁濟
Vincent話，佢首本著作將以中國領導人為主題，預料今年中就會面世，到時各大書店都會有得賣。身為仁濟一分子，佢不忘將部分賣書嘅收益捐畀仁濟做慈善用途。一本小說閒閒哋都要寫十五萬至二十萬字，但就難唔到Vincent，佢話好多時靈感一到，就要奮筆疾書，怕遲啲會唔記得喎，有時仲會開夜車寫到三更半夜添，好彩得到太太嘅全力支持。