去年底退休嘅前港鐵行政總裁周松崗講過，八年嘅港鐵生涯忙到連同老婆撐枱腳飲茶嘅時間都冇，希望退咗休之後好好享受吓。不過，尋日下午三點半鐘，卓妮就喺太子大廈外遇見周松崗依然西裝骨骨，手上攞住一個透明「快勞」，好似返工咁款，而且仲急步沿遮打道行到友邦金融中心。卓妮上前打招呼，佢報以微笑話退休後嘅嘢唔方便講，然後就轉身搭升降機離開。
