屯門醫院被揭發病人要等八年先可以做磁力共振掃描，食物及衞生局局長周一嶽尋日話，已要求醫院管理局跟進事件，又話八年時間太長，唔可以接受。正當大家以為佢的起心肝加快輪候時間，佢就話如果有病人等唔到，當局可以向病人提供資訊，幫佢哋轉介至私家醫院喎。如果病人有能力去睇私家醫院，就唔使去公立醫院輪候咁耐啦，睇嚟佢仲係唔知民間疾苦。
