張貼霸王客圖片 食肆涉違例

收銀處埋單 顧客乘機走數

「近排多咗走數事件！」大榮華酒家負責人梁文韜透露，最近發現部分食客到收銀處排隊埋單時乘機走數。「由於碌卡起碼要一、兩分鐘，有等埋單嘅客人，等等吓就拎埋張單，趁無職員睇見，就行咗出門口。就算裝咗閉路電視都無用，惟有加強人手，睇緊啲。」

梁續說，由於酒樓的洗手間設於後樓梯，可沿後樓梯直達大廈地下出口，又有食客藉詞「去廁所」，結果一去不回。記者巡視各區多間酒樓，發現不少洗手間設施都設於商場，其中一間位於新蒲崗的酒樓，男洗手間設於扶手電梯旁邊，酒樓職員指出，不時有獨行茶客「借尿遁」食霸王餐。

寫賊或小偷 或被控告誹謗

香港餐飲聯業協會會長黃家和表示，最低工資實施後，部分食肆為減省人手，要食客自行到收銀處付款，令霸王餐食客有機可乘。而新光飲食集團總經理胡珠亦補充，食霸王餐的客人會選擇人客較多的繁忙時段惠顧，乘機走數。「依家經營成本咁高，好難做到人盯人。」

為對付走數客人，部分食肆安裝閉路電視，監視範圍包括食肆及後樓梯。近日，也有食肆為加強阻嚇作用，將「走數客人」的閉路電視錄影圖片，張貼在食肆收銀處等當眼位置，一間食肆職員陳小姐便稱，「我哋希望佢哋唔好再咁做，如果客人因為大意忘記埋單，希望佢哋睇到張相後會返嚟埋單。」

不過，律師梁永鏗表示，此舉可能會觸犯《個人資料（私隱）條例》；執業大律師陸偉雄亦指如果張圖上寫有賊、小偷字眼，但又未必發現犯罪行為，有機會被當事人告誹謗。