鄉議局至今對解決新界丁屋及村屋僭建苦無對策，政府提出嘅僭建物登記制度及清拆行動勢在必行。發展局局長林鄭月娥尋日重申，屋宇署會如期喺四月起開展打擊新界僭建，如果執法人員遇到不合理嘅抗爭，或人身安全受威脅，佢就會毫不猶豫地譴責嗰啲作出激烈行動嘅人！林鄭咁講，唔知係咪隔空警告以鄉議局主席劉皇發為首嘅鄉紳，到時唔好阻頭阻勢呢？
