【本報訊】外傭中介公司服務經常被指良莠不齊，外傭蠱惑招數更是無奇不有，不少僱主防不勝防！消費者委員會單在去年一月至十一月便接獲二百四十宗有關聘請外傭的消費投訴，較一○年同期的一百七十六宗上升近四成，當中以不滿質素居多。
香港家庭傭工僱主協會主席羅軍典指出，本港現時未有針對監管外傭中介公司的法例，加上又與輸入外傭國家的發牌制度脫鈎，引致問題多多，「香港輸入外傭已經幾十年，但法例都冇咩點修訂過，所以愈來愈多中介公司同外傭走法律罅！」
羅軍典續稱，近年不少外傭抵港後迅即「飛起」僱主，往往令僱主大失預算，「外傭要嚟香港，都會畀中介公司抽好多佣，但嚟咗香港之後再搵其他僱主，就有機會同其他公司講價，所以好多外傭都搵新僱主過橋，嚟咗香港先慢慢搵工，講啱價就走人，仲可以避埋之前間公司追數！」羅又說，除極速辭工外，不少外傭亦會要求僱主借糧、無故請假甚至出外兼職等，僱主稍一不慎，即可能招致損失，甚至觸犯法例，呼籲僱主須多加留意。