亂棄垃圾 康文署靠害
公共屋邨對出行人路乍現「垃圾山」，康樂及文化事務署被轟「唔踢唔郁」！居於馬鞍山欣安邨的林小姐每日會取道恆耀街出入，不時發現上址有「一袋二袋」垃圾及大堆枯枝，形成一座「小山丘」，「有咩理由咁多垃圾都冇人理，小朋友行過容乜易刮傷？」
康文署發言人表示，署方員工曾於十二月初在上址巴士站附近一帶為樹木進行修剪工作，並將剪除的枯枝放置在恆耀街旁等候清理，事後已作出清理，並再次提醒員工，在完成園藝修剪工作後，必須即日完成清理工作。
「（康文署）自己身為政府部門都隨處丟垃圾，點解唔可以即時搵人處理咗佢呢？」沙田區議員李子榮狠批康文署知法犯法，未有顧及市民安全，促認真處理市民訴求。