香港大學校長徐立之因為八一八事件搞到周身蟻，畀師生、校友輪住嚟鬧都不特止，仲搞到唔再續任校長。不過，徐立之尋日透露，已經有唔少獵頭公司、院校打算搵佢過檔，根本不愁出路，佢只係未講埋係港大走寶嘅啫。不過，徐校長話做乜都好，一定唔會加入政府做官喎，講到好似「生不入官門」咁，唔通佢已經被政治嚇怕，驚再出事畀人鬧？
