理財過分保守
曾俊華今年又估錯數高達七百五十二億元。新民黨主席葉劉淑儀昨於立法會表示，政府錯估收支，反映曾俊華背後一班經濟師不熟悉經濟情況：「司長你係咪唔夠人呀，不過得罪講句，你手下比起金管局班經濟師，質素爭好遠！」
葉劉淑儀又批評曾俊華理財哲學過分保守，只將盈餘放在外匯基金投資，「如果你肯分散投資，一早掂過碌蔗啦！」
會計界議員陳茂波亦直指曾俊華須為年年估錯數負責，認為政府有可能錯估賣地收入，但利得稅及薪俸稅全屬已知數字，沒理由都嚴重估錯：「我真係解釋唔到，點解出現咁大差異，財爺你解釋吓！」曾俊華則辯稱香港屬外向型經濟，「好多嘢都控制唔到」。