房署盲「眼」單車頻失竊
偷車賊屢於屋邨犯案，房屋署竟視若無睹！天水圍天慈邨過去兩年共發生十二宗單車失竊案，犯案地點與管理處不足五米之隔，居民失車後向管理處報失卻不獲受理。關注團體狠批房署與外判管理公司漠視屋邨治安，促加強與警方配合，以減少罪案發生。
居於天慈邨的鄺先生常以單車代步，早前再為兒子購入一部小童單車，因單位空間有限，故將單車存放邨內之單車停泊處。為免賊人有機可乘，鄺更特別用五、六個單車鎖，並以粗鐵鏈綑綁車身，可惜仍難防小偷，半年內先後被偷兩部單車，「起初啲人淨係偷零件，好似牛角頭、手柄套，之後就偷晒成架車，有次仲爭啲偷埋阿囝部單車嘅座位，真係好猖狂！」
偷嘢竟當修理單車
屢次失車的鄺再次被偷去單車後曾向屋邨物業服務辦事處報失，未料職員竟敷衍了事，「佢哋淨係叫我報警，又冇落簿做記錄，次次都係咁！」鄺指辦事處與單車停泊處相距不足五米，質疑屋邨保安巡查不力，「有乜理由咁近都見唔到有人偷嘢？管理處竟然話以為啲人喺度修理單車，真係好笑，你有冇見過有人鎖住架車整單車？」
「冇錢裝」閉路電視
鄺曾建議管理公司加設閉路電視，不料對方竟以「冇錢裝」作覆，反着其向房署反映，令鄺怒火中燒。
「管理處喺正隔籬都捉唔到賊，真係離譜咗啲！」公屋聯會主席王坤認為，天慈邨屢次發生單車失竊事件，證明已成治安黑點，管理公司與房署有必要正視治安問題。至於管理處未有為報失作書面記錄一事，王亦直指處理並不恰當，「偷嘢可大可小，可能管理公司唔想孭鑊所以唔落簿，當冇事發生！居民畀意見改善問題，管理公司應該上達畀房署聽，叫居民自己搵房署，點搵呀？」王又認同加裝閉路電視可收阻嚇作用，建議當局詳加考慮。
警方發言人證實，二○一○年於天慈邨共錄得六宗單車失竊個案，其中四宗案件共有十一人被捕；去年則有六宗單車失竊事件，共有四人被捕。
物業管理公司發言人表示，保安員會於不同時段按照指定巡邏路線巡查大廈走廊及外圍，並加緊留意單車停泊處，一旦發現可疑人物會上前查問或驅趕，亦會通知警方加強巡邏。如住戶遇上財物失竊，建議住戶報警，將案件交由警方處理。對於鄺先生指控管理公司未有處理其失竊個案，發言人僅補充指並無相關報稱單車失竊事件的紀錄。
記者：陳倩儀