上水巴士站禁煙區虛設
違例吸煙情況無日無之，衞生署控煙辦公室被指「講多過做」！何先生每日下班後會在上水巴士總站候車，發現上址一帶違例吸煙情況嚴重，不滿控煙辦將上址列為禁煙區後疏於執法，令法例形同虛設，「呢度周圍都貼住『不准吸煙』告示，但啲人成日煲煙又唔見有人嚟捉，都唔知啲告示貼嚟有咩用！」
控煙辦發言人表示，當局一直關注上址違例吸煙問題，於過去一年共進行過廿四次突擊巡查，並向違例吸煙人士發出十一張定額罰款通知書。
「次次都係收到投訴先去巡，仲要淨係警告唔發告票，畀你都唔驚啦！」當區區議員王潤強直斥控煙辦執法不力，令上址違例吸煙問題一直未能根治。王又認為，上水接近邊境，跨境旅客眾多，建議部門應於區內加強禁煙宣傳，「（部門）可以喺啲交通工具度貼廣告或者廣播，等啲遊客都清晰咩地方唔食得煙！」