煲呔曾早前臨急抱佛腳，提出四招行政措施打擊「雙非」孕婦湧港產子問題。港大社會工作及社會行政學系講座教授周永新尋日喺港台節目中踢爆，其實「雙非」問題嘅禍根，正係○三年由煲呔曾炮製嘅人口政策諮詢文件，指文件只懂向錢看吸引內地專才同投資移民，又禁止新來港人士申領綜援，令佢哋無法真係融入香港社會、落地生根，暗批煲呔曾依家喺度賊喊捉賊，不知廉恥。
