政情：嫻姐帶隊踩場 鼠王芬淡定

九月立法會選舉戰幔即將展開，工聯會尋日由領軍嘅副會長兼黃大仙區議員陳婉嫻，帶住九龍西新人周聯僑，深入專業會議立法會議員梁美芬嘅地頭及票倉，四圍同街坊拜年，風頭相當強勁。梁美芬（鼠王芬）就好淡定話，唔擔心同周聯僑打對台，事關大家識咗好耐，分屬老友，總之歡迎有志之士一齊落場喎。
陳婉嫻（左二）帶住周聯僑（左一）落黃埔宣傳，人氣明顯高一截。
陳婉嫻（左二）帶住周聯僑（左一）落黃埔宣傳，人氣明顯高一截。

嫻姐尋日同周聯僑走勻九龍西，可能嫻姐夠人氣，所以每到一個地方都遇到支持者，相信會為鼠王芬選情帶來威脅。咁啱鼠王芬尋日亦到大角咀及旺角向市民拜年，佢就滿有信心話，對自己過去四年嘅成績尚算滿意，加上唔同團體有唔同特色，大家即管各自發揮所長，反正社會議題無限大，大家不妨各自發掘議題喎。

自稱「小芬」嘅梁美芬，帶住隻「如意龍」落區向市民拜年。（呂浩然攝）
  • 自稱「小芬」嘅梁美芬，帶住隻「如意龍」落區向市民拜年。（呂浩然攝）

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能，財經資訊，實時實發！