滅蝗隊長：有錢唔係大晒
【本報訊】中港兩地民眾互相叫罵「狗」與「蝗蟲」，激發原本並非示威常客的一批香港青年網民，組成「新春唱蝗團」現身街頭唱衰「蝗蟲」，以表達不滿。今次活動發起人是一名年僅十八歲，卻自稱「滅蝗隊長」的姓黃青年。他表示，雖然有親友亦屬雙非人士，不過由於今次問題關乎全港市民福祉，而非單純個人或親人利益，故亦要「處男下海」發起行動站出來，「要唱畀財大氣粗嘅強國人聽，有錢唔係大晒。」
就讀中六待考中學文憑試的黃同學回應記者問題時仍一臉腼腆，但對於「唱衰蝗蟲」是否有理，卻自信滿滿地有他一套看法。「其實我爸爸廿幾年前都喺內地落嚟，之後先係香港永久居民，但以前嘅人落到嚟，係靠自己白手興家，唔同依家。我哋抗議嘅唔係內地人，而係嗰啲淨係拎福利嘅人，若果唔係蝗蟲，唔需要對號入座。」不過，對於在街上向個人遊內地旅客高呼「蝗蟲」會否激化矛盾，他則斷言不會，「兩地仇視一早就有，我哋今次小小行動主要係宣洩不滿，唔相信會對兩地仇恨火上加油。」
本地網民今次由網上虛擬世界稱內地人是蝗蟲，轉化為實際行動走上街舉行「唱衰活動」，科技大學社會科學部副教授成名表示，政府需要留意有關現象有否逐漸大規模化，「依家咁少人好難判斷，但如果有幾百幾千人參加，就代表港人對內地人嘅不滿已經進一步激化，政府要盡快處理問題。過去政府對雙非問題、以及內地人投資移民炒樓問題，畀人束手無策嘅感覺，依家處理其實已經太遲。」