中環出更:煙花王子衝出香港 閃爆全球

放煙花放到泰王讚賞,仲入埋健力士紀錄嘅「煙花王子」胡名揮(Christopher),創佳績不忘慰勞同事,日前喺蘇浙滬同鄉會會所設宴,與公司榮聲集團高層及好友食團年飯,慶祝一番。

當日席上仲有榮聲集團行政總裁陳柏楠(Tom)、財務總監司徒昌、專資會理事楊素珊及陳竹君。Christopher天生明星相,經常被星探搵佢拍戲,但太子爺情迷煙火,多次夥拍爸爸胡啟泰承接國際大型表演,包括○五年新加坡國慶、○六年卡塔爾多哈亞洲運動會等,香港嘅主題公園煙花,都係佢哋嘅傑作。

獲日大師破例收為徒

更要慶祝嘅係,Christopher最近獲日本著名煙花大師山崎芳男破例收做入室弟子。佢大讚日本人煙花造詣深、技巧高,有幸拜師,認真幸運。

觀眾看膩 係時候革命

阿Tom就話,傳統煙花離不開花卉、數字、噴泉等圖案,觀眾看多了也會膩,係時候起革命,其實煙花圖案多逾千款,只要動吓腦筋,配合幻彩激光等多媒體製作,每次表演,何止係煙花咁簡單喎。Christopher都和應話,公司喺廣西設有大型煙花廠,今年將加強開發新設計,期望香港煙花能開遍世界夜空!

卓妮

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!