探射燈：港府換班 舊調重彈民怨必增
今年除了美國、台灣的總統大選外，香港亦有行政長官和立法會選舉，政治氣氛可謂非常熱鬧，社會亦十分關注換班後究竟可為香港帶來甚麼轉變。學者指，新班子上場後必須凸顯施政決心，一改弱勢政府形象，否則民怨會只加不減。
盼有針對性措施解決問題
今年特區政府換班，社會各界均寄望新政府可改善積累多年的民生問題。城市大學專業進修學院學術統籌宋立功認為，尤以住屋、貧窮及人口政策最受關注，「香港回歸十四年以來，一直冇完整嘅人口政策去解決人口老化帶嚟嘅問題，所以大家都會希望新政府會有針對性嘅措施。」宋指，換班後新政府會有數個月的蜜月期，市民會抱寬厚態度，社會怨氣會暫時降低，故政府應把握時機，徹底改變。
「市民係會一直觀察新班子嘅一舉一動，究竟仲係咪好似前朝咁親疏有別呢？」宋分析，由七一宣布就任，到後期委任官員入政府等，都可看穿新班子是否有心引入新思維及認真看待社會問題，「做得好就係新氣象，但到年底嘅施政報告如果仲係舊調重彈，無顯施政決心，民怨一定會重來！」