探射燈：全球金融亂局 港難幸免
本港兔年經濟受歐債危機影響，市場氣氛低迷，經濟學家均預期龍年的金融亂局持續，若「歐豬五國」債務情況處理不當爆煲，外向型經濟體系的香港難以獨善其身。
影響出口 拖累消費
「香港依家係夾咗喺中國、美國同歐洲底下，死又死唔去，但唔會有特別驕人嘅表現囉！」恒生管理學院商學院院長蘇偉文指，今年首季與第三季為「歐豬五國」債務續期高峰，「到時有咩冬瓜豆腐就大鑊啦！」內地三至四成國民生產總值由出口帶動，受外圍因素影響，內地經濟增長放緩；若歐美定單續減，本港出口必受影響。
經濟學家關焯照更明言： 「除非（歐洲）可以解決基本問題，如果唔係我都係睇淡嘅。」雖然早前七大央行「放水」，不過只是幫「歐豬」五國「買時間」將債務問題推後，本港今年第二季的經濟在沒有承接下有機會放緩，加上一旦「歐豬五國」其中一國捱不住選擇離開歐元區，透過大幅貶值改善出口，勢必影響全球經濟，打擊本港出口外，資產價格亦受拖累，影響市民消費信心。