政府當初強推立法會議員替補機制，希望堵塞議員透過集體辭職推動「五區公投」嘅漏洞，但被批評違憲同剝奪市民補選權，最後被迫跪低撤回。新任政制及內地事務局局長譚志源吸取上手教訓，決定取消替補概念，改為禁止地區直選同超級區議會議員辭職後半年內再參選，以為咁樣就唔會違憲。但點知又畀行政會議踢爆仍有漏洞，質疑點解唔一併禁止埋其他功能界別議員辭職後再參選，最終又要發還修改。
