赤柱廣場斂財車位租上租
領匯月租車位「租上租」，租戶交租後隨時無位可泊！位於赤柱廣場的停車場每逢假日供不應求，有月租車主近日接獲領匯通知，假日期間其車位或被徵用，供遊人以時租停泊，不少車主因擔心「泊唔番個位」而不敢出車，矢言跟領匯「鬥霸車位」。領匯堅稱騰出租車位是為方便遊覽赤柱之駕駛人士，遭議員炮轟新措施有「見錢開眼」之嫌，做法對月租車主極不公平。
黎先生為赤柱馬坑邨居民，平日會將座駕停泊赤柱廣場附屬露天停車場月租泊位。不過，去年年底突然接獲領匯通知，其月租車位會於星期六、日及公眾假期被徵用作時租車位，對外開放予所有公眾人士使用。「我租咗個位就代表幾時都可以泊，有乜理由逢假日冇得泊？等於租咗間屋咁，逢親假日就時租畀其他人，求其畀番間時鐘酒店我住就算，邊有咁嘅道理o架？」黎指領匯雖發一張「隨意泊」卡，但認為仍不能代替租用固定車位權利，直指領匯「租上租」措施極不合理。
搞到車主放假都唔敢出車
「我住喺赤柱，但呢度又冇其他領匯停車場揀，為咗保住個車位，搞到依家放假都唔敢出車！」黎不滿領匯事前未有徵詢租戶意見，認為領匯「一位兩租，好明顯就係要賺到盡」，要求領匯撤回不合理安排。
立法會房屋事務委員會委員黃國健直斥領匯有關安排拙劣，「月租原意係保障車主一定有車位泊，領匯依家咁做其實係違反合約，仲要未經車主同意就實行，好唔合理！」黃指即使領匯提供「隨意泊」卡對車主而言並無作用，「租得個車位梗係想就腳啦，冇理由因為你要賺到盡就要我泊去其他地方！」黃建議受影響車主直接向領匯反映，或向消費者委員會投訴，至於政府亦有責任正視事件。
若違合約政府應主動介入
公屋聯會主席王坤要求政府與房屋署關注事件，「領匯咁樣改變停車場服務對象，即係改變用途，應該要事先申請，如果佢真係違反合約，政府就要主動介入！」王又擔心領匯會將進一步於其他較受歡迎停車場實施相關措施，令更多車主受到影響。
領匯發言人承認，由於星期六、日及公眾假期前往赤柱廣場遊覽的駕駛人士眾多，對車位需求殷切，遂於去年十一月以書面形式通知各附屬停車場之月租客戶有關安排，並於十二月開始實行。發言人續指，月租用戶倘於假日選擇外出，將獲免費提供即日使用的「隨意泊」卡，可即日於領匯旗下一百六十多個停車場免費停泊時租車位。
記者：何穎賢、嚴朗婷