中聯辦宣傳文體部部長郝鐵川批評港大民調唔科學、唔邏輯，有立法會議員尋日就喺大會上質問政制及內地事務局局長譚志源，究竟郝鐵川指指點點有無問題。譚志源話，香港係多元化社會，任何人都可表達自己言論，但被問到覺唔覺得港大民調唔科學時，佢就自稱係官員，唔可以亂評論喎。咁講法，莫非佢想暗示啲官員唔係人？雖然佢澄清自己都係人，但睇怕係驚得罪權貴、唔敢講嘢嘅人辦囉！
