退伍軍人症桿菌大鬧新政府總部，令呢個「門常開」啟用唔夠半年就成為國際笑話，連發展局局長林鄭月娥尋日都要出來解畫。不過，有口痕友見到林鄭蒲頭，真係諗極都唔明，話林鄭唔係負責保育、土地發展嘅咩？唔通因為新政總用咗半年即變疫區，夠晒紀念價值，所以宣布列為古蹟？好彩林鄭一開波就解釋，話今次事故涉及水務署同機電工程署，兩個都係發展局轄下部門，所以佢先出嚟交代兩句喎。
