添馬艦政府總部連立法會綜合大樓到處都係菌，教育局局長孫明揚早前因為退休軍人症入住深切治療部出院時，話自己可以完成原定嘅任期，即係做到今年六月卅日。不過依家驗出政府總部咁多菌，單就退伍軍人桿菌，就驗出九個地方都有，孫公會唔會再諗吓提早退伍呢？孫公腎衰竭要洗腎，身體較弱，要靠佢用血肉之軀測試邊度有菌，即係搵命博啫，咪制喎。
