政情：李漢奸冇腦又冇膽
曾經自言「日日做漢奸」嘅民主黨創黨主席李漢奸李柱銘曾經因為強推五區公投，畀已故支聯會創會主席司徒華話佢「唔識政治」，暗示佢冇腦。點知李漢奸尋日出席華叔安息一周年追思會時就自爆，話自己啱啱割咗個膽，原來佢唔止冇腦，連個膽都冇埋，正一係冇膽漢奸。
尋日係華叔逝世一周年，華叔屋企人舉行咗個追思禮拜，曾經畀華叔鬧佢「唔識政治」嘅李漢奸都有出席。華叔生前嘅好朋友朱耀明牧師主持追思禮拜時就踢爆，原來李漢奸曾經通知話唔會出席呢個追思禮拜。
原來一直有膽石嘅李漢奸幾日前做咗個手術切咗個膽。李漢奸尋日就陰聲細氣咁話，因為做咗手術，先諗住要喺屋企休息幾日，又懶風趣咁講笑話自己依家「由大膽變冇膽」喎。其實依家要割膽嘅話，只要透過微創手術喺腹部開三個小孔就做到，要休息咁耐，可能因為佢嘅年紀唔細，所以要小心保重喇。