特首參選人嘅龍豬唐英年面長長，由於喺人類之中比較罕見，好多人每當想形容佢獨特嘅面形時都會諗爆頭，有人話過佢面形似隻馬，不過呢隻係龍豬又無馬嘅英氣；又有人笑過唐唐下巴兜兜似鞋抽，但佢又無埃及妖后咁兜咁神似；亦有人話過佢似巴斯光年，但當藝人鄧梓峰一出，唐唐始終都要企埋一邊。最近，網民終於都諗到唐唐個樣似咩，原來佢個咁獨特又三尖八角嘅面形，最似一舊麥樂雞！
其實麥樂雞件件都唔同樣，但喺一舊麥樂雞巖巖巉巉的線條中，竟然隱約浮現出唐唐獨特嘅輪廓，而當唐唐個樣key咗上件麥樂雞後，效果就更加明顯，無論係頭形抑或下巴，唐唐個樣都同件麥樂雞嘅線條完全脗合，簡直可以喺《法證先鋒》嘅證物鑑證中彈出一個match字樣。哈，唐唐原來係一舊龍年出世嘅麥樂雞，希望呢個重大發現，唔會影響麥樂雞嘅銷路喇。