商販擺街失控 食署塞責
行人路變雜貨攤，食物環境衞生署竟撒手不管！元朗大橋街市對出的福德街原為行人路，闊逾二十呎，惟約有三分之二位置長期遭檔販佔據，擺滿蔬果貨物，近日情況更愈趨惡劣，「佢哋啲嘢擺晒出嚟，已經搞到條路好窄，如果有人喺度揀生果，分分鐘想過都過唔到！」李小姐直指有關情況同時衍生衞生問題，街道另一邊滿布垃圾，質疑食環署管理不力。
食環署發言人表示，當局一向關注上述問題，今年九月至今曾接獲四宗投訴，並提出四十三宗檢控，強調將會繼續留意情況並對違例商戶採取適當行動。
當區區議員蕭浪鳴直指情況近日已達失控境地，狠斥食環署監管不力，「條路本身有成廿幾呎闊，但係依家畀人放晒嘢喺度賣，搞到連輪椅都過唔到！」蕭指曾於七月份區議會大會向食環署反映問題，卻未見改善，促當局加強執法檢控，以收阻嚇之效。