公園鋼沙剝落 易跣途人
遊樂場鋼沙重鋪未幾即剝落，水務署被質疑監控質料不力！李先生發現青衣青康路遊樂場早前重鋪鋼沙，惟一個多月後路面即裂痕處處，疑與水務署監管不足有關，「啲部門淨係識得外判晒啲嘢，但係就唔去監管，容乜易唔夠一年又要重鋪，嘥晒納稅人啲錢！」
水務署發言人指出，鑑於通往青衣東食水配水庫、海水配水庫及青康路遊樂場路面出現裂痕及下陷，並礙於該路陡斜及狹窄，決定在路面加設防滑鋼沙提高安全標準。發言人強調，有關工程仍處於一年合約保養期內，承建商需自費完成修補工作，不涉浪費公帑。
當區區議員徐曉杰直指工程質素未如理想，或對行人安全構成威脅，「鋪防滑鋼沙係防止啲行人跣親，但依家剝落反而容易跣親人，對行人構成更大危險！」徐促當局加強監察，避免適得其反。