退賊便利店員：無講佛偈
【本報訊】「你咁樣好大鑊o架喎！」便利店醒目男店員一句說話智退「炸彈」持槍劫匪。姓江男店員昨晨憶述案發經過稱，前日聖誕節凌晨他在灣仔皇后大道東7-11工作期間，突有一名口罩蒙面匪徒入店，取出一支曲尺手槍及聲稱有炸彈的紙盒放在櫃面，聲稱手持遙控器喝令：「攞晒櫃桶啲錢出嚟！」
江當時鎮靜地回應：「你咁樣好大鑊o架喎！櫃桶內只有少少錢，舖頭有閉路電視影住，你走唔甩o架！」雙方僵持期間，適有另一名顧客入店，匪徒表現緊張，棄下「遙控炸彈」及手槍奪門逃去，便利店幸無損失。
整個打劫過程不足五分鐘，江坦言當時「梗係驚啦」，自己一向在便利店工作，以前並無受過特別訓練，今次是他第一次遭遇劫案。他強調無向賊人講過佛偈，只是「講事實」。警方仍在檢驗手槍及「炸彈」，暫未有人被捕。