少年戴有色Con 黏眼球除不下
顏色鮮艷的裝飾性隱形眼鏡，深受年輕人歡迎，因購買時毋須驗配，過去已有多人因戴有色隱形眼鏡而出事，引致角膜受損，差點致盲。香港執業眼科醫生會會長周伯展稱，上月就有一名約十六歲的少年，佩戴鮮藍色隱形眼鏡，參加Cosplay派對玩通宵後，鏡片黏着眼球，無法自行摘下，最後由媽媽陪同前往求醫，經滴眼藥水後才可取出。
也有一名廚師，由於上班期間戴上有色隱形眼鏡工作，結果導致角膜潰瘍。「唔係人人啱戴隱形眼鏡，如果眼睛淚水不足，或者工作環境衞生較差，再戴埋啲質素差嘅Color Con，就好容易有問題。」
周伯展以廚師的個案為例：「廚房高溫又油膩，容易孳生細菌，個廚師第一日戴，戴咗幾個鐘就感到劇痛，嚟求診時角膜已經潰爛。」