【本報訊】「早幾日大家仲一齊做冬，點知道做咗冬，阿爸就唔喺度！」黃正興的女兒指堅強的父親在中風後捱過危險期，又捱過病房爆發抗藥惡菌，近日她歡天喜地準備接父親出院之際，卻在聖誕節面對喪父打擊，不禁嘆謂：「點知就係因為護士冷漠，病人發燒心跳快都唔理，就咁死咗！」她質疑：「以為啲醫護人員好專業，點知會係咁！好失望！」
黃正興今年八月中風昏迷，屬三級中風，醫生曾向家人表示他情況不樂觀，令家人憂心忡忡，但他的生命力頑強，其後甦醒。留醫期間，醫院爆發抗萬古霉素腸球菌（VRE），屬抗藥惡菌，多名病人感染，黃在十月亦被感染，但最終亦打退惡菌。黃女坦言，父親日漸康復，甚至「自己亦剃到鬚」，可以進行簡單應對，例如數數目字，令家人感安慰。
院方早前更通知家人黃可回家或到療養院休養，還指出如果是回家休養，會安排家訪，看家中設施有否要改動，想不到父親最後竟死在醫院。
家人曾經與院方代表對話時，對方所提供的資料顯示，平安夜當晚九時五十分有護士去量過黃的體溫血壓，心跳每分鐘一百七十下，發燒攝氏三十九點五度。家人隨即追問：「你睇！心跳一百七十，點解冇人急救。」對方只能答「十點醫生會去做例行巡房。」