政情：鄺俊宇講古sell政策
身兼元朗區區議員、電台DJ，仲有中央政策組委員會非全職顧問嘅鄺俊宇，成日畀人一個開朗嘅形象，但原來佢讀書嗰陣試過長期被人排斥。鄺俊宇中三因為成績唔好差啲畀人踢出校、考咗六次會考先成功攞到五科合格。佢話，政治人物唔一定要高高在上，而佢亦都無刻意塑造為民服務嘅形象。
鄺俊宇話希望可以用創意吸引更多人關注政治，佢喺facebook成立群組之餘，仲開始寫有關政治題材嘅小說。佢認為政治人物最緊要係識得講故事，所以佢希望成為小說家兼議員，利用故事推銷政策，而唔係好似其他政治人物咁淨係識嗌咪派傳單。
鄺俊宇仲話，區選點票時見到一隻純白色嘅蝴蝶喺票站徘徊，等到佢成功連任嗰刻先飛走，令佢諗起有個街坊年頭過身，臨終前特意交託老公要好好照顧佢嘅往事。鄺俊宇話有好多街坊好關心佢，過咗身嗰位街坊，生前都好錫佢。