探射燈：算死草師奶蠱惑招避查
港人向來「算死草」，有「精明師奶」為貪便宜，不惜以身犯險聘請內地「黑傭」，更為避過追查，只聘用內地來港探親人士，並借出私伙舊衣，替「黑傭」改頭換面，偽裝成港人，若一旦遭人揭發，則以「親戚幫吓手」作託辭。
借舊衣扮港人
「嗰時仔女仲咁細個，雖然冇乜錢，但都請個大陸同鄉嚟幫吓手。」於秀茂坪寶達邨居住的曾太坦言，曾經聘用「黑傭」。她指，內地家傭較外傭便宜，每月人工約二千元人民幣，更不需依勞工法例放假，且「同聲同氣」，連所煮飯菜也十分好味。
曾太自言，深知聘請黑工屬違法，故只會聘請內地鄉里以保障自己，一來可查明身世，二來就算有任何爭拗，亦可追查根源，「我都驚畀人拉，所以會借自己啲衫畀佢（黑工）着住先，等佢唔好咁覺眼。」據悉由於需求殷切，「黑傭」薪金已由五年前的人工二千元人民幣，飆升至三、四千元，升幅高達五成至一倍。