花園街大火凸顯排檔安全同劏房住屋問題，並引起本港兩大宗教領袖關注。天主教港區主教湯漢尋日喺一年一度嘅聖誕文告中表示，指依家有好多香港人好似當年主耶穌降生咁搵唔到地方住，希望政府同有錢人正視本港嘅房屋問題。香港聖公會大主教鄺保羅，更喺文告中狠批形容花園街大火係「小小事」嘅排檔商戶，質疑港人已經冷漠到認為財物或搵食比人嘅生命更重要。
