貨車霸錶位 當差人冇到
露天咪錶泊位長期被佔用並經營回收生意，警方執法力度成疑！荃灣居民阿明（化名）指出，鱟地坊其中兩個錶位常被兩部貨車佔用停泊，公然經營回收廢紙、廢鐵生意，「泊車位搞到好似垃圾房咁堆滿晒廢紙，成日有警察行過都似睇唔到咁！」
荃灣區議員羅少傑指出，上述問題不但影響環境，亦阻礙公眾使用泊位，對於租舖經營的商戶更加有欠公平，「畀少少泊車費就可以當正舖頭咁做生意，明顯已經偏離咗設立車位嘅原意！」羅認為除警方要加強執法外，運輸署亦應檢討有關泊車條例，以加強罰則。
警方發言人承認曾接獲同類投訴，並已票控有關回收商違例泊車及阻街。接獲轉介後再度派員巡查，發現有關貨車停泊期間已按咪錶付費，由於停泊時間未有超過廿四小時的限制，並未違反道路交通（泊車）規例，期間亦未見有貨物被放置在行人路和馬路。警方會繼續派員巡邏，並向違例者採取執法行動。