財政司司長曾俊華正為預算案收集意見，認為首要任務係防止外圍因素拖累香港經濟，所以要及早做好預防工作。但其實佢有無諗過，拖累香港嘅可能係佢自己？佢身為財爺，亂咁派錢，香港盤數明明形勢大好都變成壞事。打擊炒樓措施實施無幾耐又彈弓手，話可能會作檢討。鬍鬚曾做財爺咁多年，已經證明佢係一個負累，如果佢話要防止香港被拖累，就首先要檢討自己有無拖累人喇。
